काठमाडौं- मिसेलिन टायर ब्रान्डको नेपालस्थित आधिकारिक बिक्रेता सिप्रदी अटोपार्टस प्रालिले उक्त ब्रान्डको नयाँ सोरुम वीरगञ्जको बाईपास रोडमा स्थापना गरेको छ। ‘जय मा दुर्गा टायर हाउस’ नामक यस सोरुमको उद्घाटन कम्पनीका वरिष्ठ महाप्रबन्धक युवराज बुढाथोकीले गरेका हुन्।     

ग्राहक एवं रिटेलरहरुको उपस्थिति रहेको उक्त कार्यक्रममा सोरूमका संचालक मदनप्रसाद यादवलाई बिक्रेता नियुक्ति सम्बन्धि प्रमाणपत्र प्रदान गरिएको थियो। साथै सोरुम उद्घाटनको अवसरमा ग्राहकहरुलाई एक जोडी मिसेलिन टायरको खरिदमा एउटा ज्याकेट निःशुल्क प्रदान गरिएको छ।  

जय मा दुर्गा टायर हाउसमा कमर्सियल (ट्रक, टिपर, बस आदि) र पेसेन्जर (ईभी, एसयूभी आदि) गाडीहरुको लागि विभिन्न मोडेलका मिसेलिन टायरहरु उपलब्ध छ।  

मिसेलिन ब्रान्ड विश्वको नम्बर एक टायर ब्रान्डको रुपमा परिचित छ।