काठमाडौं- नेपालले चालु आर्थिक वर्ष २०७९/०८० को पहिलो ३ महिना (साउनदेखि असोजसम्म)मा १४ करोड ७९ लाख ६४ हजार रुपैयाँ बराबरको चुइङगम आयात गरेको छ।

भन्सार विभागका अनुसार ३ महिनामा ५ लाख ११ हजार ७ सय ५३ किलो चुइङगम आयात भएको छ। चुइङगम आयातमा मात्रै नेपालबाट १४ करोड ८० लाख रुपैयाँ बाहिरिएको छ। 

साथै सरकारले चुइङगम आयातबाट ११ करोड ८९ लाख ३८ हजार रुपैयाँ राजस्व संकलन गरेको छ। चालु आवको ३ महिनामा आयात भएको चुइङगम गत आवको भन्दा बढी हो। गत आर्थिक वर्ष २०७८/०७९ मा नेपालले ४ लाख ८९ हजार १ सय ५४ किलो चुइङगम आयात गरेको थियो।

परिमाणमा गत आवको भन्दा बढी चुइङगम आयात भए पनि रकम भने चालु आवकै कम छ। गत आवमा १४ करोड ८१ लाख ९ हजार रुपैयाँ बराबरको चुइङगम आयाात भएको थियो। गत आवको ३ महिनामा सरकारले चुइङगम आयातबाट १० करोड ७४ लाख ४८ हजार रुपैयाँ राजस्व संकलन गरेको थियो।