सुनको मूल्य स्थिर, चाँदीको घट्यो

बिजनेस न्युज

बुधबार, चैत ७ २०८०

बुधबार नेपाली बजारमा सुनको मूल्य स्थिर छ भने चाँदीको मूल्य प्रतितोला पाँच रूपैयाँले घटेको छ।

काठमाडौं- बुधबार नेपाली बजारमा सुनको मूल्य स्थिर छ भने चाँदीको सामान्य घटेको छ।

मंगलबार तोलामा सातसय रूपैयाँले घटेर प्रतितोला एक लाख २५ हजार दुईसय रूपैयाँमा कारोबार भएको सुनको मूल्यमा बुधबार घटबढ नभएको नेपाल सुनचाँदी व्यवसायी महासंघले जनाएको छ। बुधबार पनि सोही मूल्यमा कारोबार भइरहेको छ।

मंगलबार प्रतितोला पाँच रूपैयाँले बढेको चाँदीको मूल्य भने बुधबार प्रतितोला पाँच रूपैयाँले घटेको छ। महासंघका अनुसार बुधबार चाँदी प्रतितोला एक हजार पाँचसय २० रूपैयाँमा कारोबार भइरहेको छ।