काठमाडौं- साञ्चेन जलविद्युत कम्पनीले आयोजना प्रभावित रसुवाका स्थानीय बासिन्दालाई निष्कासन गरेको सेयरप्रति असहमति जनाउँदै प्रभावितहरुले आयोजनाको साइट कार्यालयमा तोडफोड गरेका छन्। स्थानीयहरुले थोरै सेयर दिएको भन्दै आइतबार कार्यलयमा तोडफोड गरेका हुन्। 

सान्जेन जलविद्युत कम्पनीले ५ भदौदेखि आयोजना प्रभावित स्थानीय बासिन्दाहरूलाई आइपीओ बिक्री गर्ने तालिका रहेको छ। कम्पनीले एक सय अंकित मूल्यमा ३६ लाख ५० हजार कित्ता सेयर निष्कासन गर्न लागेको छ। 

यसमा आयोजनाबाट अति प्रभावित क्षेत्र क्षेत्र आमाछोदीङमो गाउँपालिका ५ चिलिमे र आयोजना निर्माण गर्ने प्रसारण लाइनबाट प्रभावित आमाटादिङमो गाउँपालिका ४ गोल्जुङका बासिन्दा, सामान्य प्रभावित आमाछोदिङमो गाउँपालिकाका अन्य वडा नम्बरहरू १, २, ३ तथा सामान्य प्रभावित बाँकी सम्पूर्ण जिल्लाका सबै बासिन्दाहरूले पनि आवेदन दिन सक्नेछन्।

स्थानीयले न्यूनतम १० कित्तादेखि अधिकतम सात सय कित्तासम्म आवेदन दिन सक्नेछन्। यसमा छिटोमा १९ भदौसम्म र ढिलोमा ४ असोजसम्म आइपीओ खुला रहनेछ। यो आइपीओमा नागरिक लगानी कोष बिक्री प्रबन्धक छ।