काठमाडौं- ल्यान्डमार्क होटलले फेष्टिभ अफर सार्वजनिक गरेको छ। होटलले जोडीलाई एक रात र दुई दिनको लागि ७ हजार ७ सय ७७ रुपैयाँको प्याकेज सार्वजनिक गरेको हो।

ल्यान्डमार्कले काठमाडौं, पोखरा र चितवनमा उक्त अफर दिन लागेको हो। कोभिड १९ का कारण थलिएको पर्यटन क्षेत्र खुलेसंगै ल्यान्डमार्कले आन्तरिक पर्यटकलाई लक्षित गरेर उक्त अफर सार्वजनिक गरेको जनाएको छ।  

सम्राट ग्रुपलेले  ‘होटल ल्यान्डमार्क पोखरा’, सौराहामा ‘ल्यान्डमार्क फरेष्ट पार्क रिसोर्ट’ र होटल ‘ल्यान्डमार्क काठमाडौं’ मा एउटै प्याकेज दिइने छ। छुटसहितको प्याकेजमा पोखरा घुम्न जाने नेपालीहरुलाई होटलमा प्रवेश गर्दा चिसो पेयपदार्थले स्वागत गरिने छ।

यस प्याकेजमा डिलक्स रुममा बस्न पाइने छ भने हरेक दिन ब्रेकफाष्ट, साँस्कृतिक नृत्यका साथमा डिनर सुविधा, फ्रि वाईफाई सुविधा रहेकाे छ।