.gif)
.gif)
.gif)
.gif)
.gif)
काठमाडौं- चालु आर्थिक वर्ष २०८३/०८४ को पहिलो तीन महिनामा २ लाख ४ हजार २ सय ८ जना वैदेशिक रोजगारीमा गएका छन्।
वैदेशिक रोजगार विभागका अनुसार चालु आवको साउन, भदौ र असोजमा गरी २ लाख ४ हजार २ सय ८ जना वैदेशिक रोजगारीका लागि विभिन्न देश पुगेका हुन्।
गत आव २०८२/०८३ को साउन, भदौ र असोजमा २ लाख ७ सय १६ जना वैदेशिक रोजगारीमा गएका थिए। विभागले सार्वजनि गरेको तथ्यांकअनुसार गत आवको तुलनमा चालु आवको तीन महिनामा रोजगारीका लागि बाहिरिने युवाको संख्यामा केही वृद्धि आएको छ।
विभागका अनुसार गत आवको सोही अवधिको तुलनामा तीन महिनामा वैदेशिक रोजगारीमा जाने युवाको संख्यामा १.७१ प्रतिशतले बढेको हो।
विभागका अनुसार चालु आवको असोजमा वैदेशिक रोजगारीमा जाने युवाको संख्या ७३ हजार ७ सय ६५ रहेको छ। गत आवको असोजमा वैदेशिक रोजगारीका जाने युवाको संख्या ६४ हजार ६ सय ३४ जना रहेको थियो।
विभागका अनुसार चालु आवको साउनमा ७० हजार ४ सय ४१ र भदौमा ६० हजार २ जना युवा रोजगारीका लागि बाहिरिएका छन् भने गत आवको साउनमा ६८ हजार १ सय १० र भदौमा ६७ हजार ९ सय ७२ युवा रोजगारीका लागि विदेश गएका थिए।
