काठमाडौं-  नेपाल नागरिक उड्डयन प्राधिकरणका दुई जना उपमहानिर्देशकले राजीनामा दिएका छन्। उपमहानिर्देशक देवानन्द उपाध्याय र नरेन्द्रबहादुर थापाले राजीनामा दिएका हुन्।

उनीहरूले प्राधिकरणको काममा विरोध गर्दै राजीनामा दिएका भने हैनन्। अवकाशको समय नजिकिएसँगै उनीहरुले राजीनामा दिएका हुन्।

दुबै जना उपमहानिर्देशक असोज ८ गते स्वत: अवकाश हुँदै छन्। प्राधिकरणका १२ औं तहममा बढुवा भएपछि ६ वर्षसम्म काम गर्न पाइन्छ। सोही व्यवस्थाअनुसार उनीहरू असोज ८ गते स्वत: अवकाश हुने भएपछि केही दिन अगाडिनै पदबाट राजीनामा दिएको उपाध्याय बताउँछन्।

प्राधिकरणमा अहिले १२ तहमा रहेको ६ जना मध्ये ३ जना असोज ८ गते अवकाश हुँदै छन्। त्यसमध्ये, राजन पोखरेल महानिनर्देशक छन्। पोखरेल पनि ८ गतेबाट अवकाश हुँदै छन्।  त्यसबाहेक १२ तहमा रहेका उपमहानिर्देशक राजकुमार क्षेत्री पुस २५ गते र भोला गुरागाइँ फागुन २७ अवकाश हुँदै छन्।