.jpg)
.gif)
.gif)
काठमाडौं- घोराही सिमेन्ट इन्डस्ट्री लिमिटेडले चालु आर्थिक वर्ष २०८२/८३ को तेस्रो त्रैमासिक अवधिको अपरिष्कृत वित्तीय विवरण सार्वजनिक गरेको छ।
.gif)
जसअनुसार कम्पनीको खुद नोक्सानीमा गत वर्षको तुलनामा सुधार देखिएको छ। कम्पनीले यस अवधिमा १५ करोड ८६ लाख रुपैयाँ खुद नोक्सानी व्यहोरेको छ जुन गत वर्षको सोही अवधिको ५५ करोड ४३ लाख रुपैयाँको तुलनामा निकै कम हो।
.gif)
.gif)
समीक्षा अवधिमा कम्पनीको सञ्चालन आम्दानी सामान्य बढेर ३ अर्ब ५५ करोड ११ लाख रुपैयाँ पुगेको छ भने उत्पादन लागतमा गरिएको कटौतीका कारण कुल नाफा ९२ करोड ६४ लाख रुपैयाँ कायम भएको छ।
वित्तीय सूचकहरूलाई हेर्दा कम्पनीको प्रतिसेयर आम्दानी ३ रुपैयाँ १६ पैसा ऋणात्मक रहेको छ भने प्रतिसेयर नेटवर्थ १ सय ६८रुपैयाँ ६९ रुपैयाँ र प्रतिसेयर कुल सम्पत्तिको मूल्य ४ सय ३६.९५ रुपैयाँ रहेको देखिन्छ। कम्पनीको चुक्ता पुँजी ५ अर्ब २ करोड ४४ लाख रुपैयाँ पुगेको छ भने जगेडा कोषमा ७९ करोड ३२ लाख रुपैयाँ संचित छ।
व्यवस्थापनका अनुसार सिमेन्ट बजारमा देखिएको तीव्र प्रतिस्पर्धा, निर्माण कार्यमा आएको सुस्तता र इन्धनको मूल्यमा भएको वृद्धिका कारण अपेक्षाकृत आम्दानी हुन नसके पनि खर्च नियन्त्रणका कारण नोक्सानी घटाउन मद्दत पुगेको हो।
बजारमा यस अवधिको अन्तिम मूल्य प्रतिसेयर ४ सय ४२ रुपैयाँ ९० पैसा कायम रहँदा ५३ दिनको कारोबारमा १९ लाख ६९ हजारभन्दा बढी कित्ता सेयर किनबेच भएको छ।
