काठमाडौं- नेपाल स्टक एक्सचेन्ज लिमिटेड (नेप्से) ले सेयर कारोबारका लागि नयाँ कार्यतालिका निर्धारण गरेको छ।
मन्त्रिपरिषद्को गत चैत २२ गतेको बैठकले सातामा दुई दिन सार्वजनिक बिदा दिने र कार्यालय समय परिमार्जन गर्ने निर्णय गरेसँगै नेप्सेले पनि कारोबार दिनमा हेरफेर गरेको हो।
सरकारले शनिबार र आइतबार सार्वजनिक बिदा दिने तथा कार्यालय समय बिहान ९ बजेदेखि साँझ ५ बजेसम्म कायम गर्ने व्यवस्था गरेपछि सोही अनुरूप नेप्से सन्चालक समितिको बैठकले पनि नयाँ तालिका कार्यान्वयनमा ल्याउने निर्णय गरेको छ।
यसअघि आइतबारदेखि बिहीबारसम्म सेयर कारोबार हुँदै आएकोमा अबदेखि आइतबार सार्वजनिक बिदाका कारण बजार बन्द रहनेछ भने सोमबारदेखि शुक्रबारसम्म साविककै समयमा कारोबार सन्चालन हुनेछ।
