काठमाडौं- २० वटा वाणिज्य बैंकहरूले गत आर्थिक वर्ष २०८१/८२ मा ७१ अर्ब ५१ करोड ७ लाख १८ हजार रुपैयाँ खुद नाफा आर्जन गरेका छन्।

बैंकहरूले सार्वजनिक गरेको वित्तीय विवरणअनुसार यो अघिल्लो वर्षको तुलनामा ४३.३९ प्रतिशत अर्थात् २१ अर्ब ६३ करोड ९२ लाख ९१ हजार रुपैयाँले वृद्धि भएको हो। अघिल्लो वर्ष बैंकहरूको कुल नाफा ४९ अर्ब ८७ करोड १४ लाख २७ हजार रुपैयाँ मात्र थियो।

गत वर्ष ४ बैंकबाहेक सबै बैंकको नाफा बढेको देखिन्छ। सबैभन्दा बढी नाफा आर्जन गर्नेमा नबिल बैंक अग्रस्थानमा रह्यो। बैंकले ७ अर्ब १२ करोड ७५ लाख ६६ हजार रुपैयाँ नाफा कमायो, जुन अघिल्लो वर्षको ६ अर्ब १९ करोड ७१ लाख ९ हजार रुपैयाँको तुलनामा १५.०१ प्रतिशतले बढी हो।

दोस्रो स्थानमा नेपाल इन्भेष्टमेन्ट मेगा बैंक (एनआईएमबि) रह्यो, जसको नाफा ६४.४३ प्रतिशतले बढेर ६ अर्ब ७५ करोड ६६ लाख ४९ हजार रुपैयाँ पुगेको छ। अघिल्लो वर्ष यो ४ अर्ब १० करोड ८८ लाख ९२ हजार रुपैयाँ थियो।

तेस्रो स्थानमा ग्लोबल आइएमई बैंक रह्यो, जसको नाफा १.०९ प्रतिशत बढेर ६ अर्ब २० करोड ४७ लाख ४५ हजार रुपैयाँमा पुगेको छ।

उच्च नाफा वृद्धिदर हासिल गर्नेमा प्रभु बैंक शीर्षमा रह्यो। यसको नाफा ९६५.४० प्रतिशतले बढेर ५ अर्ब ४४ करोड २६ लाख ९३ हजार रुपैयाँ पुगेको छ, जुन अघिल्लो वर्ष ५१ करोड ८ लाख ५६ हजार रुपैयाँ मात्र थियो।

एभरेष्ट बैंकको नाफा ३२.८० प्रतिशतले बढेर ४ अर्ब ९१ करोड ८१ लाख ६५ हजार रुपैयाँ पुगेको छ भने कृषि विकास बैंकको नाफा ४३.३८ प्रतिशतले बढेर ४ अर्ब १५ करोड ४४ लाख ७५ हजार रुपैयाँमा पुगेको छ। लक्ष्मी सनराइज बैंकको नाफा ४०.९७ प्रतिशतले वृद्धि भई ४ अर्ब ११ करोड ६९ लाख ६७ हजार रुपैयाँ पुगेको छ।

प्राइम बैंकको नाफा १४.७२ प्रतिशतले बढेर ४ अर्ब २ करोड ४४ लाख ३१ हजार रुपैयाँ पुगेको छ भने राष्ट्रिय वाणिज्य बैंकले ४९.५३ प्रतिशत वृद्धि गर्दै ३ अर्ब ८१ करोड ६७ लाख ९ हजार रुपैयाँ नाफा कमायो।

नेपाल बैंकको नाफा १३,१७५ प्रतिशतले बढेर ३ अर्ब ७७ करोड ३० लाख ८ हजार रुपैयाँ पुगेको छ, जुन अघिल्लो वर्ष २ करोड ८४ लाख २० हजार रुपैयाँ मात्र थियो। सिद्धार्थ बैंकले १०.२३ प्रतिशत वृद्धि गर्दै ३ अर्ब ३९ करोड ५२ लाख रुपैयाँ नाफा कमायो।

एनएमबि बैंकको नाफा ४६.२२ प्रतिशतले बढेर ३ अर्ब २८ करोड १७ लाख ९१ हजार रुपैयाँमा पुगेको छ भने स्ट्याण्डर्ड चार्टर्ड बैंकको नाफा ७.५० प्रतिशत घटेर ३ अर्ब २ करोड ९३ लाख ३ हजार रुपैयाँमा सीमित रह्यो।

वाणिज्य बैंकहरूको नाफा