काठमाडौं- साताको पहिलो दिन आइतबार सुनको मूल्य घटेको छ। मूल्य घटेसँगै आज सुनको मूल्य प्रतितोला १ लाख ८४ हजार एकसय कायम भएको छ।

गत बुधबार सुनको मूल्य १ लाख ८८ हजार एकसय रुपैयाँ नेपाल सुनचाँदी व्यवसायी महासंघले जनाएको छ। त्यस्तै चाँदी पनि घटेर प्रतितोला १ हजार ९१० मा खरिदबिक्री भइरहेको छ।

गत बुधबार प्रतितोला चाँदी १ हजार ९६५ मा कारोबार भएको महासंघले जनाएको छ। अन्तर्राष्ट्रिय बजारमा प्रतिऔँस सुन ३ हजार २ सय ४१ अमेरिकी डलर हाराहारीमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।

भारत-पाकिस्तान वैमनस्य तथा चीन-अमेरिका व्यापार द्वन्द्वका कारण सुनचाँदीको मूल्यमा केही कमी आएको छ। रासस