बागलुङ- अछेते-भिमापोखरा सडक १ करोड ५० लाख लागतमा स्तरोन्नति गरिएको छ। उक्त सडकको ५ किलोमिटरमध्ये ८ स्थानमा ढलान गरिएको छ।

अन्य केही स्थानमा पहिरो रोकथामका लागि सडक चौडा पारिएको छ। काठेखोला गाउँपालिकाका अध्यक्ष राजु थापाका अनुसार पालिकाको ५० लाख र भिमापोखरा वडा कार्यालयको २० लाख गरी ७० लाख रुपैयाँ लागतमा सडक स्तरोन्नति गरिएको हो।

पूर्वाधार विकास कार्यालयबाट प्राप्त ८० लाख रुपैयाँ ढलान तथा पहिरो नियन्त्रणमा खर्च भएको छ। केही स्थानमा काम जारी छ। ४ स्थानमा पहिरो नियन्त्रण गर्ने पूर्वाधार बनाइने छ।

गाउँपालिकाले अछेते-भिमापोखरा सडकलाई कालोपत्र गर्न पर्याप्त बजेट विनियोजन नभएकाले केन्द्र सरकारसमक्ष अनुरोध गरिएको तथा विस्तृत परियोजना प्रतिवेदन ‍‍पनि प्रस्तुत गरिएको अध्यक्ष थापाले जानकारी दिए। रासस