काठमाडौं- नेपाल आयल निगमले पेट्रोलियम पदार्थको भाउ पुन बढाएको छ। मंगलबार राति १२ बजेबाट लागू हुनेगरि निगमले पेट्रोल, डिजल, मट्टितेल र हवाई इन्धनको भाउ बढाएको हो। योसँगै पेट्रोलको मूल्यले नयाँ रेकर्ड कायम गरेको छ। 

अब पेट्रोलमा प्रतिलिटर ३ रुपैयाँ बढेर १४२ कायम भएको छ। त्यस्तै डिजल र मट्टितेलमा पनि ३ रुपैयाँ बढेको छ। समायोजित मूल्य प्रतिलिटर १२५ रुपैयाँ कायम भएको।

त्यस्तै आन्तरिक हवाई इन्धनमा प्रतिलिटर १० रुपैयाँले भाउ बृद्धि गरेर ११६ रुपैयाँ कायम गरिएको छ। अन्तर्राष्ट्रिय हवाई इन्धनमा प्रतिकिलोलिटर अमेरिकी डलर सयले बृद्धि गरेर एक हजार ९५ कायम भएको छ।

एलपी ग्यासको मूल्य भने यथावत राखिएको निगमले जनाएको छ।