काठमाडौं- कोभिड संक्रमण विस्तारै घट्दो क्रममा छ। कुल परीक्षणको ५१ प्रतिशतसम्म भएको कोरोना संक्रमणदर अहिले घटेर ३४ प्रतिशतमा आइपुगेको छ।

स्वास्थ्य तथा जनसंख्या मन्त्रालयका अनुसार माघ ८ गते कुल परीक्षणको ५०.८ अर्थात ५१ प्रतिशममा कोरोना देखिएको थियो। माघ ८ गते २० हजार १ सय ८७ जनाको परीक्षणमा  १० हजार २ सय ५४ जनामा कोरोना देखिएको थियो।

तर माघ १५ गते आइपुग्दा कोरोना संक्रमणको दर ३३.६७ प्रतिशतमा झरेको हो। माघ १५ गते शनिबार सार्वजनिक २४ घण्टाको विवरणमा कुल १४ हजार ५ सय ६२ जनाको परीक्षणमा ४ हजार ९ सय ४ जनामा कोरोना देखिएको छ।

माघ १० गतेबाट विस्तारै संक्रमित हुने दर घटिरहेको छ।