चीनबाट आइपुग्यो २० लाख सिरिन्ज

बिजनेस न्युज

शनिबार, माघ ८ २०७८

काठमाडौं- कोरोना भाइरस विरुद्धको खोप लगाउन आवश्यक पर्ने २० लाख सुई (सिरिन्ज) चीनबाट नेपाल आइपुगेको छ। केही दिनदेखि नेपालमा खोप लगाउन सिरिन्ज अभाव हुन थालेको थियो। सिरिन्ज अभावसँगै खोप अभियान प्रभावित हुने भएपछि सरकारले चीनसँग खोप खरिद गरेको हो।

तर पहिलो लटमा भने चीन सरकारले सहयोग स्वरुप उपलब्ध गराएको २० लाख सिरिन्ज आज शनिबार नेपाल आइपुगेको हो। चिनियाँ प्रतिनिधीले नेपाली प्रतिनिधीलाई उक्त सिरिन्ज हस्तान्तरण गरेका हुन्।

स्वास्थ्य विभाग व्यवस्थापन महाशाखाको आपूर्ति शाखाका प्रमुख सुरेन्द्र चौरसियाले नेपाल आइसकेको सिरिन्ज टेकु स्थित भण्डारणमा शनिबार राति नै राखिने बताए। थप सिरिन्ज भने एक सातामा भित्रै आइपुग्ने छ ।