काठमाडौं- सम्पत्ति शुद्धीकरण गरेको अभियोगमा दोषी ठहर भएका  सिभिल सेभिङ एण्ड क्रेडिट कोओपरेटिभका सञ्चालक इच्छाराज तामाङलाई ३ वर्ष कैद हुने विशेष अदालतले फैसला गरेको छ। 

आइतबार विशेषका अध्यक्ष टेकनारायण कुँवर, सदस्यहरू तेजनारायण सिंह राई र मुरारीबाबु श्रेष्ठको इजलासले सजाया तोकेको अदालतका प्रवक्ता धनबहादुर कार्कीले जानकारी दिए। 

तामाङलाई ३ वर्ष कैद १ अर्ब ७२ करोड बिगो र त्यति नै जरिबाना तोकेको छ। 

तामाङविरूद्ध एक वर्षअघि सम्पत्ति शुद्धीकरण विभागले अनुसन्धान गरी विशेष अदालतमा मुद्दा दायर गरेको थियो। विभागले तामाङसँग ३ अर्ब ३१ करोड ८५ लाख ९२ हजार ९ सय ४२ रुपैयाँ बिगो दाबी गरेको थियो।

विभागले इच्छाराजसँगै उनकी पत्नी सिर्जना तथा मामाससुरा केशवराज श्रेष्ठलाई पनि अदालतले सजाय निर्धारण गरेको छ।