काठमाडौं- प्रधानमन्त्री पुष्पकमल दाहाल ‘प्रचण्ड’ ले पूर्वाधार निर्माणका लागि अब संकटकाल लगाएर काम गर्ने घोषणा गरेका छन्। आफ्नो नेतृत्वमा सरकार गठन भएको एक वर्ष पूरा भएको अवसरमा राष्ट्रका नाममा सम्बोधन गर्दै प्रम दाहालले आयोजना निर्माणमा धेरै अवरोध देखिन थालेको बताउँदै संकटकाल नै लगाएर काम गर्न लागेको बताएका हुन्।

अहिले पूर्वाधार निर्माणमा ढिलाइ हुँदा लागत बढ्ने तथा जनतामा नकारात्मक असर पर्न थालेको बताउँदै प्रधानमन्त्री दाहालले अब भने सरकार पूर्वाधार निर्माणमा केन्द्रित हुने बताए।

‘निर्माण भएका आयोजनाको जस लिनेभन्दा पनि निर्माणाधीन आयोजनालाई केन्द्रमा राखेर काम गर्नेछौँ,’ प्रधानमन्त्रीले भने। 

अब आयोजनाहरुमा शिविर नै खडा गरेर काम गर्ने घोषणासमेत प्रधानमन्त्रीले गरेका छन्।