काठमाडौं- सरकारले विभिन्न तीन जलविद्युत आयोजनाका विभिन्न संरचना निर्माणका लागि सो ठाउँका वन क्षेत्रका रुखहरु हटाउन स्वीकृति दिएको छ। मंगलबार बसेको मन्त्रिपरिषद् बैठकले उक्त निर्णयसहित विभिन्न १८ निर्णय गरेको हो।

माथिल्लो पिलुवाखोला जलविद्युत आयोजनाको लागि इन्टेक, अडिट र पावरहाउस लगायत भाैतिक संरचना निर्माण गर्न संखुवासभाको मादी नगरपालिका र चैनपुर नगरपालिकामा रहेको राष्ट्रिय वन क्षेत्रको करिब १.४६७३ हेक्टर जग्गा सर्तसहित २५ वर्षसम्म प्रयोग गर्न दिने र त्यहाँका रुखहरु हटाउन स्वीकृति दिइएको छ।

यस्तै बैठकले माथिल्लो मोदी ए जलविद्युत आयोजनाको भौतिक पूर्वाधारहरु निर्माणका लागि कास्कीको अन्नपूर्ण गाउँपालिका-१० घान्द्रुकमा रहेको राष्ट्रिय वन क्षेत्रको ९.८५ हेक्टर जग्गा २५ वर्षसम्म प्रयोग गर्न तथा सो वन क्षेत्रमा रहेका रुखहरु हटाउन स्वीकृति दिने निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले जानकारी दिइन्। 

मन्त्री शर्माका अनुसार नुप्चे लिखु जलविद्युत आयोजनाको १३२ केभी प्रसारण लाइनको विभिन्न संरचना निर्माणका लागि गौरीशंकर संरक्षण क्षेत्रमा रहेको सरकारी वन क्षेत्रको ३७.८५ हेक्टर जग्गा २५ वर्षसम्म प्रयोग गर्न दिने र सो वन क्षेत्रमा रहेका रुखहरु हटाउन स्वीकृति दिने निर्णय पनि भएको छ। 

यस्ता छन् मन्त्रिपरिषद् बैठकका पछिल्ला १८ निर्णयहरु: