काठमाडौं- आर्थिक वर्ष २०८९/८० मा कुल वैदेशिक व्यापार १६.५८ प्रतिशतले घटेको छ। भन्सार विभागको तथ्यांकअनुसार गएको आर्थिक वर्षमा आयात र निर्यात दुवै घटेको हो। 

विभागका अनुसार गएको वर्ष आयात १६.०८ प्रतिशतले घटेर १६ खर्ब ११ अर्ब ७३ करोड रूपैयाँमा सीमित भएको छ। अघिल्लो वर्ष १९ खर्ब २० अर्बको आयात भएको थियो। 

आयातसँगै गत वर्ष निर्यात पनि २१.४४ प्रतिशतले घटेको छ। गएको वर्ष १ खर्ब ५७ अर्ब रूपैयाँको निर्यात भएको छ। योसँगै कुल वैदेशिक व्यापार पनि १६ प्रतिशतले संकुचित भएर १७ खर्ब ६८ अर्बमा सीमित भएको छ। 

आयात र निर्यात घटेसँगै व्यापार घाटा पनि १५ प्रतिशतले घटेर १४ खर्ब ५४ अर्ब रूपैयाँमा सीमित भएको छ।