काठमाडौं- नेपाल राष्ट्र बैंकले चालु आर्थिक वर्षदेखि सेयर धितोमा जाने कर्जा, घर जग्गा तथा हायर पर्चेजमा जाने कर्जाको जोखिम भार पुनरावलोकन गर्ने घोषणा गरेको छ। 

चालु आर्थिक वर्षको मौद्रिक नीतिबाट राष्ट्र बैंकले यस्ता कर्जाको जोखिम भार हेरफेर गर्ने घोषणा गरेको हो। 

मौद्रिक नीतिमा घर जग्गा र सेयर बजारको विषयलाई प्राथमिकताका साथ हेरिँदै आइएको थियो। यी क्षेत्रमा १५० प्रतिशतको जोखिम भार १०० प्रतिशत ल्याउन तीव्र लबिङ भएको थियो। 

यसैले नेपाल राष्ट्र बैंक ऐन, २०५८ ले निर्दिष्ट गरेबमोजिम मूल्य र शोधनान्तर स्थिरता कायम गर्ने मुख्य उद्देश्यका साथ तर्जुमा गरिएको चालु आर्थिक वर्ष २०८०/८१ को मौद्रिक नीतिमा कर्जा, घर जग्गा तथा हायर पर्चेजमा जाने कर्जाको जोखिम भार पुनरावलोकन गर्ने घोषणा गरेको हो।