काठमाडौं- सरकारले नयाँ कम्पनी दर्ता शुल्कमा छुट दिने निर्णय गरेको छ। आज बसेको मन्त्रिपरिषदको बैठकले दर्ता शुल्कसँगै पुँजीवृद्धि शुल्कमा पनि छुट दिने निर्णय गरेको छ। 

बजेटमा गरिएको घोषणा कार्यान्वयनका लागि राजपत्रमा सूचना प्रकाशित गर्ने निर्णय सरकारले गरेको हो। 

आर्थिक वर्ष २०८०/८१ को बजेटमा नयाँ कम्पनी दर्ता गर्दा र कम्पनीको पूँजी वृद्धी गर्दा शुल्क लाग्दै आएकोमा अवदेखि कुनै शुल्क वा दस्तुर नलाग्ने व्यवस्था मिलाइनेछ उल्लेख गरिएको थियो। 

बजेटको घोषणा कार्यान्वयनका लागि  नेपाल राजपत्रमा कम्पनी ऐन वमोजिम दस्तुर परिमार्जन सम्बन्धी सूचना प्रकाशित गर्नुपर्छ। 

राजपत्रमा सूचना प्रकाशित नहुँदा साउन लागेपछि पनि पूरानै व्यवस्था अनुसार शुल्क लागिरहेको थियो। 

कम्पनी ऐन अुनसार कम्पनीको पुँजी अनुसारको दर्ता शुल्क र अवस्था अनुसार पुँजीवृद्धिको शुल्क लाग्ने व्यवस्था छ।