काठमाडौं- एभरेष्ट बैंक लिमिटेडले सिन्धुलीको दुधौली नगरपालिका-४ डकाहास्थित सरस्वती माध्यमिक विद्यालयलाई आर्थिक सहयोग उपलब्ध गराएको छ। 

बैंकले संस्थागत सामाजिक उत्तरदायित्वअन्तर्गत सरस्वती माविलाई एक लाख ५० हजार रूपैयाँ आर्थिक सहयोग गरेको हो। एक विशेष समारोहका बिच बैंकका नायब प्रमुख कार्यकारी अधिकृत विजय कुमार शर्माले विद्यालयका सहायक प्रधानाध्यापक विष्णु प्रसाद सापकोटालाई उक्त सहयोग रकम बराबरको चेक हस्तान्तरण गरेका हुन्।

सो सहयोगबाट उक्त विद्यालयमा अध्ययन गर्ने बालबालिकाहरुलाई स्वच्छ खानेपानी वितरणमा टेवा पुग्ने र शिक्षादिक्षामा थप सहज हुने बैंकको विश्वास छ। 

बैंकले आफ्नो १२६ शाखा सञ्जाल, ३ एक्सटेन्सन काउण्टर, ७ प्रादेशिक कार्यालय, १६१ एटीएममार्फत् बैंकिङ सेवा प्रदान गरिरहेको छ। नेपाल सरकारको राजस्व संकलनका लागि ३२ वटा संकलन केन्द्रबाट समेत सेवा दिँदै आइरहेको बैंकले जनाएको छ।