.jpg)
.gif)
.gif)
काठमाडौं- नेपालका अर्बपति विनोद चौधरीको सम्पत्ति एक वर्षमा ३० करोड अमेरिकी डलरले थपिएको छ। गत वर्ष कुल सम्पत्ति १.५ अर्ब डलर रहेका चौधरीको हालको सम्पत्ति १.८ अर्ब डलर रहेको फोर्ब्सले जनाएको छ।
अर्बपतिहरूको सम्पत्तिबारेको सूची सार्वजनिक गर्दै आएको फोर्ब्सका अनुसार गतवर्ष विश्वकै धनीहरूको सूचीमा १९ सय २९ औँ स्थानमा रहेका चौधरी यसवर्ष २ सय ८२ स्थान माथि उक्लिएका हुन्। प्रतिनिधि सभा सदस्यसमेत रहेका चौधरी विश्वका १६ सय ४७ औँ धनी बनेका छन्।
सिजि ग्रुप ग्लोबल, नबिल बैंक, सिजि फुड्सलगायतका विभिन्न कम्पनीसँग आवद्ध रहेका चौधरीले नेपालसँगै भारत, सर्विया, बंगलादेश, पाकिस्तानलगायतका विभिन्न देशमा पनि उनको व्यवसाय फैलाएका छन्।
.gif)
हाल विश्वका सबैभन्दा धनी बर्नार्ड आर्नल्ड फ्रान्सका हुन्। उनको कुल सम्पत्ति २११ बिलियन अमेरिकी डलर रहेको फोर्ब्सले जनाएको छ। विश्वकै धनीहरूको सूचीको दोस्रो स्थानमा एलन मस्क रहेका छन्। मस्कको प्रविधि, अन्तरिक्ष, सामाजिक सञ्जाललगायतका विभिन्न क्षेत्रमा लगानी रहेको छ। ५१ वर्षका मस्कसँग हाल १८० बिलियन अमेरिकी डलर सम्पत्ति रहेको फोर्ब्सले जनाएको छ।
.gif)
.jpg)
