काठमाडौं- साल्ट ट्रेडिङ कर्पोरेसन लिमिडेटले भारतीय कम्पनीसँग २ करोड ७० लाख केजी युरिया मल खरिद गर्ने भएको छ।

साल्ट ट्रेडिङले एक अर्ब ५४ करोड रूपैयाँमा इन्डियन पोटास लिमिडेटसँग उक्त परिमाणबराबरको मल खरिद गर्न लागेको हो। कम्पनीले प्रतिमेट्रिक टन ४ सय ३२ डलरमा लिमिटेडको गोदामसम्म ल्याइदिने छ।

कुल १ करोड १६ लाख ६४ हजार डलरमा २७ हजार मेट्रिक टन युरिया मल खरिदका लागि कम्पनी छनोट भएको हो। कम्पनीले अब प्रतिकेजी ५७ रूपैयाँमा मल उपलब्ध गराउने छ।

यसैगरी कृषि सामाग्री केन्द्रले पनि ५ हजार मेट्रिक टन पोटास खरिदका लागि कम्पनी छनोट गरेको छ। केन्द्रले पनि इन्डियन पोटास लिमिटेडसँग नै ३६ करोड ८३ लाख ९१ हजार रूपैयाँमा सो परिमाणबराबरको मल खरिद गर्न लागेको हो। 

केन्द्रले प्रतिमेट्रिक टन ५ सय ५८ डलरमा पोटास खरिद गर्न लागेको हो। केन्द्रले कुल २७ लाख ९० हजार डलरमा ५ हजार मेट्रिक टन पोटास खरिद गर्न लागेको हो।  केन्द्रले खरिद गर्ने पोटास प्रतिकिलो ७४ रूपैयाँ पर्नेछ।