काठमाडौं- जजीरा एयरवेजले गौतम बुद्ध अन्तर्राष्ट्रिय विमानस्थल भैरहवामा फागुन २५ गते नियमित उडान फेरि सुरु गर्ने भएको छ। 

जजीराले भैरहवाबाट हप्तामा ३ वटा उडान गर्ने छ। 

जजीराले भैरहवाबाट कुबेतको लागी मंगलबार, बिहीबार र शनिबार नेपाली समय अनुसार बिहान ८:०५ बजे उडान गर्नेछ भने कुवेतमा स्थानीय समय अनुसार बिहान  १०:५५ बजे अवतरण गर्ने छ ।

भैरहवा र कुवेतसम्मका लागि भाडा २८ हजार ८३६ रुपैयाँ रहेको छ। 

नेपालमा गौतम बुद्ध अन्तर्राष्ट्रिय विमानस्थल तथा नेपालको समग्र पर्यटनमा सहयोग गर्ने जजीरा एयरवेजको प्रतिबद्धता अनुसारनैमध्य पूर्व लक्षित उडान गर्न लागिएको जजीराको जीएसए सोसाइटी इन्टरनेशनल ट्राभल सर्भिसेस्का अध्यक्ष रविचन्द्र सिंहले बताए। 

'लुम्बिनिलाई भगवान बुद्धको जन्मस्थल साथसाथै आध्यात्मिक गन्तव्यको रुपमा प्रवर्द्धन गर्दैछौँ। यसले गौतमबुद्ध अन्तराष्ट्रिय विमानस्थलमा अधिकतम आगमन सुनिश्चित गर्नुका साथै सम्पूर्ण पश्चिम भेगको पर्यटकीय परिस्थितिमा र राष्ट्रको समग्र आर्थिक बृद्धिमा सहयोग पुग्ने विश्वास छ' उनले भने।