काठमाडौं- सरकारले विश्व बैंकबाट १० करोड अमेरिकी डलर ऋणका लागि वार्ता टोली गठन गर्ने भएको छ। 

सोमबार बसेको मन्त्रिपरिषद् बैठकले ऋण लिने सम्झौता गर्नका लागि वार्ता टोली गठन गर्ने निर्णय गरेको हो। 

नेपालको गुणस्तरीय स्वास्थ्य प्रणाली कार्यक्रम सञ्चालनका लागि आवश्यक ऋणसम्बन्धी सम्झौतालाई अन्तिम रुप दिनका लागि वार्ता टोली गठन गर्ने निर्णय भएको सञ्चार तथा सूचना प्रविधिमन्त्री रेखा शर्माले जानकारी दिइन्। 

यो कार्यक्रमका लागि सरकारले १० करोड डलर ऋण तथा ३८ लाख डलर अनुदान पाउने छ।