काठमाडौं- मंगलबार नेपाली बजारमा सुनचाँदीको मूल्य स्थिर रहेको नेपाल सुनचाँदी व्यवसायी महासंघले जनाएको छ। 

आइतबारको तुलनामा सोमबार प्रतितोला दुईसय रूपैयाँले घटेको सुन आज पनि सोही मूल्यमा कारोबार भइरहेको छ।   

महासंघका अनुसार आज छापावाल सुन प्रतितोला एक लाख एक हजार ८ सय र तेजाबी सुनको मूल्य प्रतितोला एक लाख एक हजार ३ सय कायम छ। सोमबार पनि सोही मूल्यमा सुनको कारोबार भएको थियो। 

आज चाँदीको मूल्य पनि स्थिर छ। सोमबार पाँच रूपैयाँले घटेर चाँदी प्रतिताेला एक हजार दुईसय ५५ रूपैयाँमा कारोबार भएको थियो। आज पनि सोही मूल्य कायम रहेको महासंघले जनाएको छ। 

चाँदी आइतबार एक हजार दुईसय ६० रूपैयाँमा कारोबार भएको थियो भने छापावाल सुन एक लाख दुई हजार र तेजाबी सुन एक लाख एक हजार पाँचसय रूपैयाँमा कारोबार भएको थियो।

साे दिन चाँदी १५ रूपैयाँ र सुन चारसय रूपैयाँले सस्तिएको थियो।