काठमाडौं- देशको प्रमुख प्रशासकीय केन्द्र सिंहदरबार परिसरमा सञ्चालित क्यान्टिनहरूमा अखाद्य खानेकुरा भेटिएको छ। 

सरकारी अनुमगनको क्रममा त्यहाँ पाक्ने खानेकुरामा प्रयोग हुने मसला तथा तरकारीहरूमा अखाद्य पदार्थ भेटिएको हो। आइतबार वाणिज्य, आपूर्ति तथा उपभोक्ता संरक्षण विभागले गरेको आकस्मिक अनुगमनमा खानका लागि अयोग्य वस्तु् पाइएको हो। 

अनुगमनको क्रममा सिंहदरबार परिसरमा रहेको केन्द्रीय क्यान्टिन खान योग्य अवधी सकिएका तथा लेबलै नभएका मसला र दुग्धजन्य पदार्थको अलावा दुर्गन्धित मासु र तरकारी समेत फेला परेको थियो। 

अनुगमनका क्रममा भेटिएका यस्ता वस्तु नष्ट गरि कञ्चन चमेना गृहका सञ्चालक उत्तम भट्टलाई उपभोक्ता हित विपरितको कसुर गरेको हुँदा तत्काल  ३ लाख जरिवाना  गरिएको विभागले जानकारी दिएको छ।