काठमाडौं- बलेफी हाइड्रोपावर कम्पनीले लिमिटेडले ५० प्रतिशत हकप्रद सेयर निष्कासन गर्ने भएको छ। 

हाल एक अर्ब ८२ करोड ७९ लाख ७० हजार रुपैयाँ चुक्ता पुँजी रहेको यस कम्पनीको सञ्चालक समितिले कामय चुक्ता पुँजीको १ बराबर ०.५ प्रतिशत हकप्रद जारी गर्ने निर्णय गरेको हो।

यस कम्पनी १० जेठ २०७९ मा नेप्सेमो सूचीकृत भएको थियो। दोस्रो बजारमा सूचीकृत भएको कम्पनीले आईपीओ निष्कासनको एक वर्ष पनि नहुँदै हकप्रद सेयर जारी गर्ने निर्णय गरेको हो। कम्पनीका अनुसार बैंकको कर्जा चुक्ता गर्न हकप्रद सेयर निष्कासन गर्ने प्रस्ताव गरिएको हो। 

आगामी साधारण सभामा कम्पनीले हकप्रदको विशेष प्रस्ताव लैजाने जनाएको छ। साधारणसभाबाट पारित भएपछि विद्युत्  नियमन आयोग र नेपाल धितोपत्र बोर्डको स्वीकृत भएपछि निष्कासन हुनेछ।