काठमाडौं- विश्वव्यापी आर्थिक मन्दीका बीच भारत र चीनको आर्थिक वृद्धि उच्च रहने भएको छ। 

अन्तर्राष्ट्रिय मुद्रा  कोषले गरेको प्रक्षेपन अनुसार यो वर्ष ठूला अर्थतन्त्रमा चीन र भारतको वृद्धिदर उच्च हुने देखिएको छ। कोषका अनुसार सन् २०२३ मा भारतको आर्थिक वृद्धिदर ६.१ प्रतिशत हुने अनुमान गरिएको छ। त्यस्तै चीनको वृद्धिदर ५.२ प्रतिशत हुने अनुमान गरिएको छ। 

पछिल्लो समय मूल्यवृद्धिमा केही राहत देखिएको तथा अन्य सूचकमा सुधार देखिएको उल्लेख गरेको छ। विशेषगरि चीनले शून्य कोभिड नीति अन्त्य गरेको र यसको प्रभाव चीन लगायतका अन्य देशमा पनि पर्नेछ। 

कोषका अनुसार चीनको अर्थतन्त्र पूर्णरुपमा खुला हुँदा चिनियाँहरूको खर्च बढ्ने र त्यस्तो खर्च उनीहरूले देश बाहिर पनि गर्नेछन्। त्यस्तै चीनको औद्योगिक उत्पादनमा वृद्धि हुँदा विश्व अर्थतन्त्रमा प्रभाव पार्ने कोषले उल्लेख गरेको छ। 

कोषले सन् २०२३ मा विश्व अर्थतन्त्र २.९  प्रतिशतले विस्तार हुने प्रक्षेपण गरेको छ। सन् २०२२ मा भने यस्तो वृद्धिदर ३.४ प्रतिशत कायम भएको छ।