.jpg)
.gif)
.gif)
काठमाडौं- नेपाल उद्योग वाणिज्य महासंघ (एफएनसीसीआई)मा वरिष्ठ उपाध्यक्ष र कोषाध्यक्ष चयन प्रक्रिया अगाडि बढ्ने भएको छ।
.gif)
कार्यकारिणी समितिको निर्णयसम्बन्धी उच्च अदालतमा परेको मुद्दामा अन्तरिम आदेश दिनु नपर्ने फैसला भएपछि महासंघले पूर्वनिर्धारित कार्यक्रमअनुसार निर्वाचन प्रक्रिया र कार्यकारिणी समिति बैठक हुने भएको छ।
.gif)
.gif)
यसअघि उच्च अदालत पाटनले वरिष्ठ उपाध्यक्ष र कोषाध्यक्ष चयनका लागि जेठ ८ गते तय गरिएको बैठक यथास्थितिमा राख्न अल्पकालीन अन्तरिम आदेश जारी गरेको थियो।
अदालतले मनोनीत सदस्यले वरिष्ठ उपाध्यक्ष चयनमा मतदान गर्न पाउने महासंघको निर्णयलाई पनि यथास्थितिमा राख्न आदेश दिएको थियो। जेठ ६ गतेको उक्त आदेशसँगै ७ गते दुवै पक्षलाई छलफलमा उपस्थित हुने अदालतले आदेश दिएको थियो।
जेठ ७ गते दुवै पक्षबीच भएको छलफलपछि अदालतले अन्तरकालीन आदेशलाई निरन्तरता नदिने निर्णय गरेपछि निर्वाचन प्रक्रिया अगाडि बढाउने बाटो खुलेको महासंघले जनाएको छ।
