.jpg)
.gif)
.gif)
काठमाडौं- नेपाली मिक्स्ड मार्शल आर्ट्स (एमएमए) फाइटर रविन्द्र ढाँट सीजी सिमेन्ट इन्डस्ट्रिज प्रालिका ब्रान्ड एम्बासडर नियुक्त भएका छन्।
.gif)
मंगलबार सानेपास्थित चौधरी ग्रुपको मुख्य कार्यालयमा ढाँट र सीजी सिमेन्टबीच ‘ब्रान्ड एम्बासडर’ सम्झौतामा हस्ताक्षर भएको हो। सम्झौताअनुसार ढाँटले सीजी सिमेन्टका उत्पादन र सेवाको प्रचारप्रसार गर्नेछन्।
.gif)
.gif)
सम्झौतापत्रमा सीजी सिमेन्टका प्रमुख जयन्द्र चुडाल र फाइटर ढाँटले हस्ताक्षर गरेका थिए। सम्झौताअनुसार ढाँटले सीजी सिमेन्टका लागि प्रोमोसनल गतिविधि, फोटो र भिडियो सुट, साथै सामाजिक सञ्जालमार्फत ब्रान्ड प्रमोसन गर्नेछन्।
सम्झौता हस्ताक्षर कार्यक्रममा बोल्दै चुडालले ढाँटले अन्तर्राष्ट्रिय मञ्चमा नेपालको नाम उज्यालो पारेको र उनको संघर्ष र समर्पण सीजी सिमेन्टका मूल्य र भावनासँग मेल खाने बताए। 'ढाँटसँगको सहकार्यले नेपाली युवामा सकारात्मक प्रेरणा जगाउने विश्वास छ,' उनले भने।
ढाँटले पनि चौधरी ग्रुप जस्तो प्रतिष्ठित संस्थासँग सहकार्य गर्न पाउँदा गर्व महसुस भएको बताए। 'नेपालकै अग्रणी व्यावसायिक संस्थासँग सहकार्य गर्न पाउँदा गर्व लागेको छ। हाम्रो सहकार्य अर्थपूर्ण र प्रेरणादायी हुनेछ भन्ने विश्वास लिएको छु,' उनले भने।
सीजी सिमेन्ट नेपालको सर्वाधिक लोकप्रिय सिमेन्ट ब्रान्ड हो। उत्कृष्ट गुणस्तर र ग्राहकमैत्री सेवाका कारण सीजी सिमेन्ट नेपालको निर्माण क्षेत्रमा पहिलो रोजाइको सिमेन्ट बनेको कम्पनीको दाबी छ।
